Бірлікшіл болмысын көрсетті

Қазақстандықтар үшін маңызды шараға Қарашеңгел ауылдық округі әкімін сайлаушылар да белсенді қатысты.
Осы жаздың ең маңызды саяси оқиғасы басталған сағат таңғы 7-00-де сайлау үйінің есігін еңбек ардагері Садық Жылқыбаев ашып, игі іске ізгі тілегін білдірді.
Тікелей сайлауға таңмен таласа келгендер қатары мұнда қалың.
Сайлау комисиясы төрағасы Асылбек Нұрадиновтің айтуынша, сағат 10:30-ға дейін сайлаушылардың 47 пайызы дауыс беріп үлгерген. Сайлау өз деңгейінде, санитарлық талаптарға сай өтілуі басты назарда ұсталуда.
Айта кетерлігі, ауылдағы тарихи таңдау жасауға белсенділік танытқандардың қатарында 87 жастағы қарт сайлаушы Әбілхан Нұржаубай да бар.