Ауыз су қалпына келеді деп жоспарлануда
Ауыз су мәселесіне байланысты апаттық жағдай бүгін тағы да орын алып отыр. Осы ретте, аудан әкімдігінің баспасөз орталығында шұғыл брифинг өтті. Брифингте ауыз су ақауы қалпына келтіріліп, су келгенше шектеулі уақытпен ағатындығы жөнінде халыққа түсіндірме жұмыстары жүргізілді.Әйтеке би кенті мен Қазалы қаласында 7.00-10.00, 12.00-15.00.18.00-21.00 аралығында ауыз су берілетін болады.
Сонымен қатар, ауыз су тапшылығын болдырмау мақсатында тиісті мекеме жанынан 3 су таситын арнайы көлік қосымша қызмет көрсететін болады. Тапсырыс беріп, хабарласу үшін 21-0-33, 22-2-92, 23-033 байланыс телефондары жұмыс жасайды.
Айта кету керек, аталған жай ертең толықтай қалпына келтіріліп, тұрғындарды толық ауыз сумен қамту жоспарланып отыр.
Барша тұрғындардан орын алған жағдайға байланыс сабырлық танытуларын сұраймыз!
"ҚАЗАЛЫ" ақпарат
