Ведомство басшысының айтуынша, аталған бағытта 30 туристік жоба іске асыру жоспарланған. Оның ішінде Ақтау курорттық аймағында парк, гольф алаңы, сауда орталығы, қонақ үйлер салу мен Маңғыстау облысындағы көпфункционалды емдеу-сауықтыру кешенінің құрылысы бар. Бұған қоса Алматының туристік әлеуетін дамыту үшін бірқатар қонақ үй салынбақ. «Бұл жобаларды жүзеге асыру үшін жергілікті атқарушы органдармен бірлесіп, 1 трлн теңгеден астам жеке және мемлекеттік инвестициялар тарту қажет. Соның нәтижесінде 22 мың жаңа жұмыс орны құрылады», – деді министр.