Тәуелсіздік нұрлы өмірдің бастауы
Қазақстан Республикасының Президенті Қасым-Жомарт Тоқаевтың 2021 жылдың 5 қаңтарында жариялаған «Тәуелсіздік бәрінен қымбат» атты мақаласын насихаттауға мекеме қызметкерлері ұйымдастырған дөңгелек үстел өтті. Шара қазақ халқының тәуелсіздік жолындағы ерлік күресі мен ғасырлар бойы басынан өткен қиыншылықтары, елінің азаттығын, еркіндікті аңсаған ұлт зиялыларын өскелең ұрпаққа таныстыру мақсатында қолға алынды. Қатысушылар Тәуелсіз Қазақстанның 30 жыл ішінде қол жеткізген жетістіктерін ортаға салып, мемлекеттің алға қойған мақсаты мен бағдарламасын талқылады.Тәуелсіздік ең алдымен қазақ халқының бостандыққа ұмтылған асқақ армандары мен қайсар рухының жемісі. Сондықтан біз үшін азаттық бәрінен қымбат. Президент Қазақстан Тәуелсіздігінің 30 жылдығына арналған мақаласында еліміздің үш онжылдықта қалыптасуы мен дамуының негізгі кезендерін атап өтіп, болашақ міндеттерді айқындады. Осы мақсатта жиналған мекеме қызметкерлері 4 бағыттан тұратын мақалада көрсетілген еліміздің Тәуелсіздік жылдарындағы табыстары мен күрмеулі мәселелері жөнінде пікір алмасты.
Жаннат НҰРАСЫЛОВА,
Қ. Пірімов ауылдық клубы әдіскері
