Қазалы Qazaly.kz ақпараттық агенттігі
» » Азаттық – алтын қазынам

Азаттық – алтын қазынам

ҚР Президенті Қасым-Жомарт Тоқаевтың «Egemen Qazaqstan» газетінде жарияланған «Тәуелсіздік бәрінен қымбат» атты мақаласында Қазақстанның өсу және қалыптасу кезеңі түгел қамтылған.
Бүкіл әлем аумақтық тұтастықтың халықаралық шарттармен бекітілгенін Мемлекет басшысының өз аузынан естіді. Мақалада Каспий конвенциясы туралы да айтылған. Каспий теңізінің Каспий жағалауында орналасқан мемлекеттер арасында бөлінуіне қатысты ұзаққа созылған даулы мәселе де оңтайлы шешілді. Мүддемізді қорғау тұрғысынан қарағанда бұл мемлекетіміздің үлкен жеңісі деуге болады.
Бостандық бізге оңайлықпен келген жоқ. Ата-бабаларымыз азаттық жолында арпалысты. Талай зұлмат замандар мен нәубеттерді бастан өткерді. Осының бәрі халықтың есінде сақталып, ұрпақтан ұрпаққа берілуге тиіс.
Шынтуайтында Тәуелсіздік – халықтың үні, ұлттың тілі мен ділі. Қалай болғанда да сан ғасырлық қиын-қыстау жолдан, тар жол тайғақ кешуден өтіп, тәуелсіз елдер қауымдастығына қосылдық. «Атамекеніміз Қазақстан туралы айтарымыз да, мақтанарымыз да көп. Ендігі жеңіс те, ерлік те біздің қолда. Дербес болуға бағыт алған егемен ел – Қазақстанды көркейтетін, шаңырағын биіктетіп байытатын, абыройын асыратын білім мен білік жолын таңдаған кейінгі ұрпақ жұмыла еңбек етуге тиіспіз.

Сейілхан АРТЫҚБАЕВ,
теміржол ауруханасының бас дәрігері
09 қаңтар 2021 ж. 2 530 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031