Сенаторлар уран туралы заң жобасын Мәжіліске қайтарды
Сенат депутаттары уран өндіру мәселелері бойынша заң жобасына түзетулер енгізіп, Мәжіліске қайтарды, - деп хабарлайды Tengrinews.kz. Заң жобасына сәйкес, уран кен орындарын әзірлеушілер енді өз жұмысының салдарын жою жөніндегі жоспарларды заң жүзінде алдын ала ойластыруға міндетті.
Жобаға толықтырулар енгізу ұсынылды, бұл мыналарға мүмкіндік береді:
- уран өндіру кезеңін ұзарту шарттары мен рәсімдерін реттеуге;
- жобаға сәйкес кен орнында уран өндіру кезеңінде келісімшарт аумағының шегінде учаскеге барлау жүргізуге;
- жаңа кен шоғыры немесе уран шоғыры табылған жағдайда кен орнын игеру жобасына немесе уранды тәжірибелік-өнеркәсіптік өндіру жобасына толықтыру шеңберінде оларға бағалау жүргізу;
Бұл ретте, кен орны қорының өсімі бастапқы көлемнің 30 және одан да көп пайызына жетсе, жер қойнауын пайдаланушы өңірде әлеуметтік-экономикалық жобаны іске асыруға міндетті болады.
Сенаторлар барлық тармақты қабылдады, бірақ жобалық құжаттарға тәуелсіз сараптама операторын құруға және уран кен орындарын игеруге қатысты нормаларды алып тастауға дауыс берді. Президент жаңа мемлекеттік және жеке операторларды құруға тыйым салғаны атап өтілді.
