– 1993 жылдың 15 сәуірінде ҚР Жоғарғы кеңесінің «Тәжік-Ауған учаскесіндегі ТМД-ның сыртқы шекарасын күшейту туралы» қаулысымен жеке құрама атқыштар батальоны құрылды. Сегіз жылға созылған ұрысқа сегіз жарым мың қазақстандық қатысқан. Бүгін айтулы датаға байланысты Ауған соғысы ардагерлерімен бірге «Тәжік-Ауған» қақтығысына қатысушы ардагерлерге де құрмет көрсетуді жөн көрдік. Тәжікстанда Ауған содырлары есірткі мен қару-жарақ тасығандарға, шекара бұзушы қарулы топтарға тосқауыл қою мақсатында 1993-2001 жылдар аралығында бітімгершілік операциясы жүргізіліп, қақтығыс аймағында 35 қазақстандық сарбаз қаза тапқан.

Жалпы аудан бойынша «Тәжік-Ауған» қақтығысына 27 қазалылық аттанып, бір азамат Тәжік даласында қаза тапты. Ал үш жерлесіміз елге келіп қайтыс болды. Қазіргі таңда 23 ардагер ортамызда жүр, – деді аудан басшысы.

Мұнан соң «Тәжік-Ауған» әскери қақтығысына қатысқан бірқатар қазалылыққа 20 жылдық мерекелік медаль мен Алғыс хат табыстады. Сонымен бірге аудандық ардагерлер кеңесінің төрағасы Оразғали Бекбанов пен ауған соғысы ардагерлері мен мүгедектер Одағы «Ардагер» қоғамдық бірлестігінің төрағасы Айдар Әлиев құттықтау сөз сөйлеп, жүрекжарды тілегін жеткізді. Ал «Тәжік-Ауған» әскери қақтығысы ардагерлерінің Қазалы ауданы бойынша төрағасы Руслан Баймбетов ардагерлер иығына шапан жауып, сый-құрмет көрсетті.