Қазалы Қазалы аудандық қоғамдық-саяси газет
» » Жастар ауған соғысының ардагерлерімен кездесті

Жастар ауған соғысының ардагерлерімен кездесті

Жұмада кеңес әскерлерінің Ауғанстан жерінен шығарылғанына 31 жыл толуына арналған шаралар өтті.
Жыл сайынғы бұл дәстүрлі жүздесу әдеттегідей, аталған соғыста қаза тапқан сарбаздардың жарқын бейнесін еске түсіруден басталып, «Жанқожа батыр» кесенесіне барып, «Даңқ» аллеясындағы ауған соғысының ардагерлерін еске алуға арналған ескерткішке жиналып, қаза болған Қазалылық жауынгерлерге құран бағыштап, естелік лебіздер айтылды.
Сонымен бірге, Әйтеке би кенттік клубында «Жастар ресурстық орталығы» КММ-нің ұйымдастырумен ауған соғысының ардагерлеріне арналған аудан жастарының патриоттық шарасы өтті.
Шараны Қазалы аудандық ішкі саясат бөлімінің басшысы Әліби Берікұлы жүргізіп, ауған соғысы ардагерлерімен сұхбаттасты. Ардагерлеріміз жастарға ауған оқиғасының тарихи мағыналық ақиқатын ашу, ағаларымыздың ерлігін кейінгі ұрпаққа үлгі ете отырып, жастарды отансүйгіштікке, ерлікке баулу, ауған соғысы ардагерлеріне құрмет көрсету мақсатында тағылымы мол тәрбиелі әңгімелер айтты.
Шара соңында "Nur Otan" партиясы аудандық филиалы төрағасының бірінші орынбасары Қасқырбек Өмірзақұлы ауған соғысының бір топ ардагерлеріне облыс әкімінің орынбасары Н.Байқадамовтың алғыс хатын табыстады.

17 ақпан 2020 ж. 107 0

Жаңалықтар мұрағаты

«    Наурыз 2020    »
ДсСсСрБсЖмСбЖс
 1
2345678
9101112131415
16171819202122
23242526272829
3031