Сот ұйғарымымен татуласу келісімі бекітілді

Қазалы аудандық сотында талапкер «Ауыл шаруашылығын қаржылай қолдау қоры» АҚ-ның жауапкер У.-ға қатысты берешекті кепілдегі мүлікпен өндіру туралы азаматтық ісі қаралды.

Талап арызға сәйкес, "Ауыл шаруашылығын қаржылай қолдау қоры" акционерлік қоғамы және жауапкер У. арасында қаржылай қолдау шарты жасалған.Осы шарт негізінде "Ауыл шаруашылығын қаржылай қолдау қоры" акционерлік қоғамы төлем және қайтарым шартына сәйкес жауапкер У.-ға 10 бас жылқы сатып алу үшін 3 000 000 теңге көлемінде несие берген. Жауапкер У. өзіне тиесілі тұрғын үйді кепілге қойған.

Алайда жауапкер шартта көрсетілген мерзімде өзіне тиісті міндеттемелерді орындамаған. Осының негізінде талапкер жауапкерден өзінің пайдасына кепіл нысанасын өндіруді сұрады.

Азаматтық істі қарау барысында тараптар татуласу келісім жасасты, оған сай жауапкер берешегін қайтаруға және мемлекеттік бажды төлеуге міндеттенеді.

Сот ұйғарымымен татуласу келісімі бекітілді, іс бойынша іс жүргізу тоқтатылды.