Қазақ тілінің жаңа әліпбиіне көшу жөніндегі мәселе халық арасында жиі талқыланып келе жатқандығы белгілі. Осыған орай оның жаңа нұсқасы көптің назарына ұсынылып отыр. Жарияланған жаңа редакция бойынша латын графикасындағы қазақ әліпбиінде апострофтар алынып тасталды. Енді бірнеше әріп диграф арқылы жазылатын болады.
Бұл жерде айта кетерлік жайт, латын графикасына негізделген қазақ әліпбиінің соңғы нұсқасын пайдалану кезінде біршама қолайсыздық кезікті. Әліпбидегі апостроф арнайы белгі ретінде қарастырылып, ол барлығын бөліп тұрды. Осы жоба алғашқыда интернеттегі іздеу және қаржы қызметінде қиындықтар тудырды. Соның нәтижесінде ІТ саласы мен тіл мамандарының жан-жақты пікірі ескерілуі арқылы, жаңа жоба ортаға келді.
Латын әліпбиінің соңғы нұсқасы бұрынғыға қарағанда әлдеқайда тиімді деп ойлаймын. Тек енді алдағы уақыттары ден қоя оқып, үйреніп тұрмысымызға кеңінен енгізудің тиімді жолдарын алдын ала мұқият қарастыра білгеніміз жөн.

Сағыныш ӨТЕУЛИЕВА,
№ 266 мектеп-лицейдің
қазақ тілі мен әдебиеті пәні мұғалімі.