"Астана күніне арналған мерекелерге қатысты айтарым - біз көптеген концерт, тамаша іс-шаралар өткізуді жоспарлағанбыз. Карантин бойынша қандай шаралар қабылданатынына байланысты жоспарларды өзгертеміз", - деді мәдениет және спорт министрі Ақтоты Райымқұлова.

"Елорда тұрғындары мен қонақтарын офлайн жобалармен қуанта аламыз деген үміттеміз. Әрине, көптеген жоба онлайн режимге ауысты. Сондықтан, Елорда күніне жоспарланған мәдени өнімдерімізді және іс-шараларымызды үлкен ықыласпен таныстырамыз", - деді ол.

Райымқұлованың айтуынша, министрлік күн сайын "рухани, мәдени және моральдық өркендеу, сондай-ақ әртүрлі жастағы адамдардың дене белсенділігін қолдау қажеттігін ескере отырып" онлайн іс-шаралар кестесін ойластырады.

"Мәдениет және спорт қоғамдық мекемелерінің әлеуметтік желілерінде күн белгілі атлеттермен жаттығудан басталады. Содан кейін кешке дейін жаттығулар, дәрістер, вебинар, концерт, виртуалды экскурсиялар өтеді, балаларға арналған ертегілер оқылады, қашықтан және онлайн спектакль мен фильмдер көрсетіледі. Қазақстандықтардың жақсы пікірін ескере отырып, біз осы жұмыстарды карантиннен кейін де жалғастыруды жоспарлап отырмыз", - деп толықтырды министр.