«Қазпошта» бөлімшелерінде арақашықтықты сақтайтын белгілер бар
Карантин режимі енгізілгелі ауданда адам көп шоғырланып, аудан тұрғындарына қауіп төндіріп тұрған ғимараттың бірі «Қазпошта» АҚ Қазалы аудандық филиалы болатын.
Мұнда есепшот аштыру және тағы басқа да төлемдерді жүзеге асыру үшін келген адамдар арақашықтықты сақтамай, қауіпсіздік шараларына мән бермейтін.
Осыған орай бүгін пошта қызметін пайдаланушылар үшін арақашықтық белгілері жасалды. Енді тұрғындар тәртіпке бағынып, қауіпсіздік шараларын сақтайтын болса жұқпалы індеттің таралуына жол берілмейді.
Мұндай белгілер Біржан сал көшесі бойындағы ғимаратпен қоса аудандық қазынашылық бөліміндегі пошта бөлімшесіне сызылды.
"Қазалы" ақпарат