Қазалы аудандық сотының кеңсе меңгерушісі Б.Махамбетали жергілікті бұқаралық ақпарат құралдарының өкілдеріне «Электронды сот төрелігі» тақырыбында брифинг өткізді.

Брифинг барысында кеңсе меңгерушісі қазіргі уақытта «Төрелік» ақпараттық жүйесі, «Талдау» форумы, «Сот кабинеті» мобильды қосымшасы және тағы басқа иновациялық бағдарламалары жұмыс жасайтынын айтып берді. «Электрондық сот төрелігі» қағазбастылықтан біртіндеп арылуға көмегін береді, ол өз кезегінде электрондық сот ісін жүргізудің жаңа бағытына көшуіне мүмкіндік беретінін атап көрсетті.

Сонымен қатар, Жоғарғы Соттың Ахуалдық орталығы жұмыс жасайтыны, ол республикамызда электронды форматта іс жүргізудің жағдайы туралы керекті ақпарат жинайтынын атап өтті.

Брифинг соңында тақырып аясында қойылған сауалдарға жауаптар берілді.