Тойда арақ ішкендерге айыппұл салуда
Түркіменстанда қоғамдық тәртіпті қадағалаудың тағы бір ерекше түрі пайда болды. Ендігі таңда түрлі ойын-сауық пен тойларды арнайы тәртіп қадағалаушылар бақылап жүреді. Олар ішімдікке сылқия тойып алған жандарды бірден машинаға отырғызып, полиция бөлімшесіне алып кететін көрінеді. Айыпты болғандар «қоғамдық тәртіпті бұзғаны үшін» деген негізде 50 манат айыппұл төлеуге міндетті. Ал түркімен халқы: «Той деген қуаныш. Қуанышта ішпегенде, қайда ішеміз?» деп наразылықтарын білдіруде.Өзге ақпарат көздері болса, аталмыш шараны түбі көрініп қалған мемлекеттік бюджетті толтырудың бір әдісі деп қарастыруда. Өйткені кемі 200-300 адам келетін тойдан, әжептәуір салық жинап алуға болады дейді.
