Аудандық ардагерлер үйінде теміржолшылар мен құрылысшылар күніне байланысты осы саладан зейнетке шыққан азаматтар бас қосты.

 Онда ардагерлер ұйымының Қазалы ауданы бойынша қоғамдық бірлестігінің төрағасы Оразғали Бекбанов аталған жүйеде ұзақ жыл еңбек етіп, бейнетінің зейнетін көріп жүрген жандарды төл мерекелерімен құттықтады. Денсаулығы мықты болып, ұрпағының қызығын ұзағынан көре беруге ізгі тілегін білдірді.

 Сұлтан Жұмамұрат, Молдабай Ақниязов, Муапық Құрманов, Ерсайын Байқадамовқа аудан әкімінің Алғыс хатын тапсырды. Сондай-ақ Жайылхан Оразымбетов, Ізтілеу Түктібаев, Құбыл Ршымбетовке осындай Алғыс хат берумен бірге кеуделеріне «Қазалы ауданының құрметті ардагері» төсбелгісін тақты.