Халықтың табысы өседі – Қаржы министрлігі
Премьер-Министрдің орынбасары – Қаржы министрі Ерұлан Жамаубаев халықтың табысына қатысты түсінік берді, деп хабарлайды inform.kz.«Мәселе тіпті жалақыда емес, инфляциямен күресу керек. Осы жылы инфляция деңгейін екі есе түсірсек, оның өзі үлкен жетістік болады. Өйткені халықтың нақты мәндегі табысының өсуі жалғасады», - деді Е. Жамаубаев Үкімет отырысынан кейін тілшілер сұрағына жауап бере отырып.
Биылғы І тоқсанда Қазақстан халқының жан басына шаққандағы номиналды табысы 10,7% өскен. Бірақ, жылдық мәндегі инфляция мен азық-түлік бағасының, қызметтер ақысының артуына байланысты табыстың өсімін қымбатшылық еселеп жұтып жатыр. Соның салдарынан, халықтың шынайы табысы былтырғы І тоқсанмен салыстырғанда 5,2% төмендеп кеткен.
Бұған дейін хабарланғандай, 6 өңірде халықтың ақшалай шығысы кірісінен асып түскен.
