Өңірлік тұрғыда өндірістің негізгі көлемі Жамбыл облысына тиесілі: 73,1% немесе 37,4 мың тонна. Өңірдегі өндіріс бірден 12,5%-ға төмендеді, бұл елдегі өнім көлемінің қысқаруына айтарлықтай әсер етті.

«Жалпы, 2021 жылдың қаңтар-желтоқсан айларында елімізде 276,9 мың тонна қант өндірілді, бұл өткен жылмен салыстырғанда 58 пайызға артық», - делінген хабарламада.

2022 жылдың қаңтар-ақпан айларында жергілікті компаниялар қантқа деген сұранысты бір жыл бұрынғы 42,5%-ға қарағанда, 29,8%-ға ғана қамтамасыз етті. Импорттың үлесі, тиісінше, ресурстардың 70,2%-ын құрады. Қазақстандық өндірістің құлдырауы аясында импорт көлемі бірден 18,3%-ға өсіп, 42,3 мың тоннаны құрады.

Екі айдың қорытындысы бойынша ішкі нарықта 60,2 мың тонна қант сатылды, бұл бір жыл бұрынғы көрсеткіштен 2,3 пайызға аз. Бұл сектордағы экспорт мүлдем жоқтың қасы деген болжам бар.

Құрақ немесе қызылша қантының және химиялық таза сахарозаның қосындысын алғанда, Қазақстанда қыстың екі айында 26,9 млн долларға 45,4 мың тонна қант импортталды. Саладағы барлық импорттың 93,2%-ы шын мәнінде Ресейдің үлесіне тиді: 42,3 мың тонна. Қант пен сахарозаның тағы 6,7%-ы, яғни 3 мың тоннасы Бразилиядан әкелінді.

«Наурызда Қазақстанда орташа есеппен бір келі қант 396 теңге болды. Бір айдың ішінде өнім бірден 33,2 пайызға, жыл басынан бері 36,1 пайызға, бір жыл ішінде 50,2 пайызға қымбаттады.

Қазақстанның ірі қалаларының ішінде қанттың ең жоғары бағасы елордада (кг 449 теңге), Алматыда (444 теңге) және Қостанайда (430 теңге) тіркелді. Ең арзан қант Таразда болды – 348 теңге», - делінген хабарламада.

Қант бағасының жылдық ең көп өсімі Алматы қаласында (плюс 70,1%), сондай-ақ Қостанай (плюс 64,7%) және Жамбыл (плюс 60,5%) облыстарында тіркелді.

Сәуірде қант – оның әлеуметтік маңызы бар өнім екенін ескерсек – әлі де қымбаттап жатыр. Мәселен, ай басынан 26 сәуірге дейін баға тағы 5,4%-ға өсті.