Иранның батыс Әзірбайжан провинциясына қарасты Урмия (Оурмийе) қаласындағы "Tadbir" медициналық кешенінде алғашқы "ақылды" дәріхана ашылды. Аталмыш дәріхана роботты техникамен жабдықталған. Бұл өз кезегінде медициналық орталықтың жұмыс тиімділігін әрі пайдасын арттыруы мүмкін. Бұл жайында Financial Tribune ақпарат көзі хабар таратты. "Ақылды" жүйе алдымен рецептіні көшіріп алады, сонан соң қажетті дәріні сөреден өзі алып, тұтынушыға ұсынады. Мұндай технологиялық жүйенің ең басты артықтышылығы онлайн-платформаға қосылып, дәрігердің өзінен тікелей рецептіні алып, дәріні дайындауда жатыр. Сондай-ақ, тұтынушыға қажетсіз дәріні беруден сақтандырылған. Өйткені, машина қателесуге бейім тұратын адамдарға қарағанда мұндай кемшіліктерге жол бермейді.