Өлдіге санаған сәби жерлеу дайындығы кезінде тіріліп кетті
Иранның Батыс Әзірбайжан провинциясындағы Урмия қаласында өлді деп есептелген сәби тіріліп кеткен. Бұл туралы ru.oxu.az сайтына сілтеме жасаған NUR.KZ хабарлайды.Алты айлық сәбидің өлімі ауруханада тіркелген. Дәрігердің айтуынша, мұндай шешімге келуге баланың дем алмауы, өмірге маңызды функция көрсеткіштері мен жүрек соғысының болмауы себеп болыпты.
Бұдан соң сәби тез арада мәйітханаға жіберілген.
Алайда жерлеу рәсіміне дайындық жүріп жатқанда балақайдың тірі екені анықталыпты.
Жерлеу рәсімін ұйымдастырушы Аббас Абединидің айтуынша, сәбидің туыстары бұл жағдайға қатты таң қалып, "ғажайып" үшін рахмет айтқан.
