Желіде жаңа iPhone-ның суреттері жарияланды
Apple биыл қыркүйекте iPhone-ның төрт жаңа моделін ұсынуды жоспарлап отыр. Ақпаратты дереккөздер растады, - деп хабарлайды ixbt.com 6,1 дюймдік iPhone 14, 6,7 дюймдік iPhone 14 Max, 6,1 дюймдік Phone14 Pro және 6,7 дюймдік iPhone 14 Pro Max 2022 жылдың қыркүйегінде ұсынылуы мүмкін.
Дереккөз желіге тарап кеткен сызбалар негізінде жасалған 6,1 дюймдік iPhone 14 Pro-ның сапалы суреттерін жариялады. Мұнда алдыңғы камера мен Face ID сенсорлары өзгергені байқалады.
Бір нұсқа бойынша, смартфонға 48 мегапиксельді жаңа сенсор орнатылады, ол негізгі 12 мегапиксельді камераны ауыстырады да 8K сапамен видео түсіруге мүмкіндік береді.
Жаңа iPhone 14 Pro және iPhone 14 ProMax бір кристалды Apple A16 Bionic жүйесімен және кез келген басқа iPhone-мен салыстырғанда көлемі үлкен жедел жадымен жабдықталуы керек.
