UNICEF ұйымының Қазақстандағы өкілдігі Украина халқына жылу жинауды жариялады, деп хабарлайды «Хабар24». Қайырымдылық қорға түскен қаржы қақтығыс кезінде зардап шеккен балалар мен олардың отбасына гуманитарлық көмек ретінде беріледі. Нақтырақ айтқанда, қажетті дәрі-дәрмек, медициналық, гигиеналық құралдар, таза ауыз су және баспанасыз қалғандарды жатын орынмен қамтуға жұмсалады. Бас сауғалап шекара асқандарға уақытша қауіпсіз орындар әзірленеді. UNICEF ұйымының мәліметіне қарағанда Украинадағы жағдайдың ушығуы 7 жарым миллион баланың өмірі мен денсаулығына қауіп төндіреді. Қайырымдылық көмекті бір реттік немесе ай сайын беріп отыруға болады. Толық ақпаратты ұйымның Қазақстандағы бөлімінің ресми сайтынан алуға болады.