Вакцина қабылдағандарға ақша беріледі
Украина азаматтары COVID-19 препаратының екі дозасын қабылдағаны үшін 1000 гривн мөлшерінде төлем алады, деп хабарлайды Egemen.kz. Бұл туралы Украина президенті Владимир Зеленский Telegram арнасындағы бейне үндеуінде мәлімдеді.Вакцинацияланған Украина азаматтары 1000 гривн (16 332 ) мөлшеріндегі төлемді мемлекеттік қызмет аналогы, Diya қосымшасы арқылы ала алады. Зеленский украиндықтар бұл қаражатты не үшін жұмсай алатынын да айтты.
«Бұл ақшаға спорт залына немесе фитнес-клубқа жазылу, кинотеатрға, театрға, мұражайға, концерттік залға немесе көрме орталығына баруға, ішкі әуе және теміржол көлігіне ел ішінде саяхаттауға билет сатып алуға болады», деді Зеленский.
Украина президенті бұл бағдарлама 19 желтоқсанда іске қосылатынын хабарлады. Украина үкіметі бұл төлемдерге жылдың аяғында шамамен 3 млрд гривн, ал келесі жылдың басында 3 млрд гривн бөледі. Осылайша, тек 6 миллион украиналық төлемдерді ала алады екен.
