Әзербайжанға кірудің жаңа ережелері айтылды
Елге Әзербайжан азаматтарының жақын туыстары: күйеуі менәйелі, балалары, немерелері, ата-аналары, туған ағалары мен әпкелері, сондай-ақ олардың отбасы мүшелері кіре алады, - деп хабарлайды Kaz.tengritravel.kz Тourweek.ru басылымына сілтеме жасап.Шекарада олар туыстығын растайтын құжатты және елге кіргенге дейін 72 сағаттан кешіктірмей жасалған ПТР-тестінің теріс нәтижесі бар анықтаманы ұсынуы керек.
Туристер вакцинациялаудың толық курсынан өткені туралы сертификатты немесе коронавируспен ауырғанын куәландыратын анықтаманы көрсеткен кезде республикаға кіре алады. Сонымен қатар, теріс ПТР-тестін ұсынуы қажет.
Бұл талаптар тек ересектерге қойылады. 18 жасқа дейінгі балаларда теріс ПТР-тесті болуы жеткілікті, ал 1 жасқа дейінгі балаларға тіпті оны жүргізу қажет емес.
Еске салайық, бұған дейін елге кіру үшін Әзербайжан министрлер кабинетінің оперштабынан рұқсат алу керек болатын. Енді рұқсат немесе виза қажет емес.
