Ұлы тұлға - Ахмет Байтұрсынұлы
Ұлт руханиятының ұлы тұлғасы, қазақ халқының «Ұлт ұстазы» атанған Ахмет Байтұрсынұлы 1872 жылдың 5 қыркүйегінде қазіргі Қостанай облысы, Жангелдин ауданына қарасты Ақкөл ауылында дүниеге келген. Оның туған күні – қазақ халқының тарихы мен мәдениеті үшін ерекше мәнге ие күн.
Ахмет Байтұрсынұлы – ағартушы, ақын, әдебиет зерттеушісі, түркітанушы, қоғам қайраткері. Ол қазақ әліпбиін реформалап, төте жазуды енгізді, «Әліппе» оқулығын жазып, мыңдаған балаға сауат ашуға жол көрсетті. Сондай-ақ ол «Қырық мысал», «Маса» сияқты еңбектері арқылы халықты өнер-білімге, еңбекке шақырды.
Ахмет Байтұрсынұлының еңбектері тек әдебиет пен тіл саласында ғана емес, ұлттық сананы оятуда, елдің азаттығы жолындағы күресте де өлшеусіз. Ол Алаш қозғалысының белді қайраткері ретінде қазақ халқының тәуелсіздігі үшін күресті.
Бүгінгі таңда Ахмет Байтұрсынұлының туған күні – 5 қыркүйек Қазақстанда Тілдер күні ретінде аталып өтеді. Бұл – оның тіл мен ұлттық мәдениеттің дамуына қосқан өлшеусіз үлесін мойындаудың жарқын белгісі.
Ахмет Байтұрсынұлының өнегелі өмірі мен мол мұрасы – болашақ ұрпаққа рухани бағдар, елдік пен ерліктің, білім мен парасаттың үлгісі болып қала береді.
Қазалы аудандық соты әкімшісінің жетекші маманы
Сұлтан Сембекұлы Жүніс
