Қазалы Қазалы аудандық қоғамдық-саяси газет
» » » Мақтанышым

Мақтанышым

Мақтанышым!
Жалғандық ар алдында тапталды шын.
Тер төккен тау тұлғалы өр елінің,
Мызғымас мығымдығын сақтау үшін.

Көрегенім!
Қазақия салтымен жебер елің,
Жыл өтсе де жылжымас Хантәңірдей,
Мен өзіңді биікке теңер едім.

Асқаралым!
Өзің барда мен кімнен жасқанамын?
Мен бүгін әлем білер Қазақстан!
Мен бүгін әлем сүйер Астанамын!

Ұлт тағдырын,
Ұлықтап ұғынумен өтті әр күнің.
Шарға салған басыңнан бағың таймай,
Сенімсіз сарқылмасын сырттандығың.

Қазақпенен
Жандана бер, жаһанға азат ел ем.
Тағылымды тұлғаңа тамсанамын,
Жарқыраған жүзіңнен ғажап көрем.

Халқың барда,
Суырланып сыпсымас нарқың қолда.
Көсемдікпен көгертіп көсегеңді,
Әз еліңді бастай бер жарқын жолға.

Кемеңгерім!
Қалаймын қайратыңның еленгенін.
Қайсар мінез қазақты ғажап қылып,
«Нұрлы жолмен» нықтай бер, ел ертеңін!

Бақытжан ҚАҺАР
30 қараша 2018 ж. 70 0

Жаңалықтар мұрағаты

«    Желтоқсан 2018    »
ДсСсСрБсЖмСбЖс
 12
3456789
10111213141516
17181920212223
24252627282930
31