Қызыққа толы саяхат
Жуырда «Болашаққа бағдар: рухани жаңғыру» бағдарламасының «Қазақстанның киелі жерлерінің географиясы» жобасы аясында аудандағы мектеп оқушылары Қармақшы жеріндегі Қорқыт Ата кесенесіне саяхат жасады.Абыз бабамыздың кесенесіне барған балалар онда орналасқан қазақ мифологиясындағы Көк тәңірінің олжасы мен теріс күштерден қорғаушы символы саналатын қошқар мүсінін, көне Рим дәуіріндегі архитектуралық құрылыс үлгісінде салынған амфитеатрды, соққан желмен үндескен қобыз ескерткішін тамашалады.
Мұнымен қоса, олар Қорқыт Ата мемориалдық мұражайындағы құнды жәдігерлермен танысып, бабамыз өмір сүрген дәуірдің тарихы мен мәдениеті жайлы қызықты мәліметтер алды.
Сонымен қатар, қатысушыларға аудандық мәдениет бөлімінің театр актерлері “Қорқыт аңызы” көрінісін сахналады.
Аталмыш саяхатты аудандық ішкі саясат, білім бөлімі, «Қазалы ынтымағы» қоғамдық бірлестігі ұйымдастырғанын атап өткен жөн.
«ҚАЗАЛЫ» ақпарат
