Өткен жұмада №249 мектеп-лицейі мен №16 мектепте «Діни толеранттылық – біздің рухани байлығымыздың маңызды бөлігі» тақырыбында кездесу өтті. Қазалы ауданы бойынша дін мәселелерін зерттеу орталығының мамандары мен аудандық ақпараттық түсіндіру тобының мүшелері Е.Нұржаубаев және М.Тәжібай дінаралық татулықты нығайту және мемлекетіміздің дін саласындағы саясатын насихаттап, дәстүрлі емес жат ағымдардың белгілері мен зияны жайлы баяндады.

Сондай-ақ, 2017-2020 жылдарға арналған терроризм мен экстремизмнің алдын алу мақсатында қабылданған мемлекеттік бағдарлама аясында мектеп бітіруші жастардың діни сауаттылығын арттырып, дәстүрлі дініміздің ұлттық құндылықтарын түсіндірді.