Рухани жаңғыруға кітаппен

Жанқожа батыр атындағы №70 орта мектеп кітапханасының ұйымдастыруымен "Кітапхана және оқушылар: Рухани жаңғыруға кітаппен" атты флеш-акция болып өтті.

Акция кітапхананың жас оқырмандарының қатысуымен, жастардың бойына патриоттық сезім ұялататын, елі мен жерін, Отанын сүюге шақыратын тамаша әнмен бірге, бірлігі жарасқан Қазақ елінің жарқын болашағын бейнелейтін топтық бимен ашылды.

Шараның басты мақсаты – жергілікті ақындар мен жазушылардың шығармаларын насихаттау, жас ұрпақты кітап әлеміне, әлемдік және жергілікті әдебиет құндылықтарына сүйіспеншіліктерін арттыру, шығармашылық мүмкіндектерін ашу.

Сондай-ақ, олардың әр жастағы өлең сүйер қауыммен жүздесуіне мүмкіндік туғызу болып табылады.