Кездесу кеші

Бекарыстан би ауылдық мəдениет Үйінде жерлесіміз, күйші, сазгер ҚР Мəдениет саласының үздігі, "Атамұра" ардагерлер халықтық ансамбльінің көркемдік жетекшісі Баубеков Орақ Рахашұлының 70 жасқа келген мерейлі сəтінде халық алдында есеп беру, кездесу кеші өткізілді.

Кеш барысында Орақ Рахашұлымен сыр сұхбат ұйымдастырылып, жас буын оқушылар тəлім тəрбиесі мол тағылымды шараға куə болды. Сонымен қатар, ансамбль мүшелері кеш кейіпкеріне жылы лебіздерін білдіріп, жеке орындауда өнерлерін көрсетті. Кеш соңын ауылдық округтің бас маманы С.Құтпанбетов, ауылдық ардагерлер кеңесінің төрағасы Б.Садуов, əйелдер кеңесінің төрайымы Қ.Бекжанова, Орақ Рахашұлының құрдасы К.Құрманбаев, туыстары атынан Ж.Сармолдаев жылы лебіздерімен бірге ауыл тұрғындары атынан шапан жауып, сый- құрмет көрсетсе, ауыл ақсақалы Айдулла көкеміз ақ батасын берді.