Өлке өнерпаздарының өнері
Жақында жастар жылына орай "Жастар оты жалындап" атты концерттік бағдарлама өткізілді.Онда Аранды, Бірлік, Қожабақы мәдениет үйінің өнерпаздары ауыл тұрғындарына өз өнерлерін ұсынды. Мұндағы мақсат – жастардың елге деген сүйіспеншілігін арттырып, патриоттық сезімін ояту.
Шарада мәдениет қызметкерлері халыққа көтеріңкі көңіл-күй сыйлап, көрермендердің риясыз алғысына бөленді. Сонымен қатар қожабақылық Ә.Қанайұлы мен З.Әбдірұлы сынды азаматтардың мектеп бітіргеніне 45 жыл толуына орай туған жерде бас қосу кеші болды. Осыған орай Қожабақы ауылдық мәдениет үйінде ақын Ә.Қанайұлының өлеңі оқылып, әні шырқалды. Туған өлкеге келген ауылдастар мәдениет қызметкерлеріне ақжарқын ризашылықтарын жеткізді.
Қ.СЫРҒАЛИ,
Аранды ауылдық
клуб меңгерушісі
