Байқаудың мақсаты - аудан келбетін жарқын фотосуреттер арқылы көрсету мен жас ұрпақтың туған елінің болашағы мен төл тарихына деген құрметін арттыру. Сондай-ақ, жастардың туған жерге деген сүйіспеншілік, мақтаныш сезімдерін фотоөнер арқылы білдіруге мүмкіндік беру, фотосурет саласында кәсіби және көркемөнер шығармашылығын дамыту.

Байқауды өткізу мерзімі: 2023 жылдың 7 мамыр - 1 маусым аралығы

Байқау талаптары:

- аудан көлеміндегі көрікті жерлердің фотосуреттері, кешегі мен бүгінгіні айшықтайтын тарихи суреттер қабылданады;

- фотобайқауға кез келген Қазалы ауданының тұрғыны қатыса алады, жасына шектеу қойылмайды;

- фотоколлаж, арнайы эффектілермен өңделген фотосуреттер қабылданбайды;

- сапасыз, талапқа сай келмейтін фотосуреттер қатыстырылмайды;

- фотосуреттер қатысушы жайлы толық ақпаратпен (аты-жөні, тұрғылықты жері, жұмыс орны, байланыс телефондары, фотосуреттің тақырыптық атауы, қайда, қашан түсірілгені туралы т.б.) қоса kazali_ovp@mail.ru электронды поштасына жіберілуі тиіс.

Байқау жеңімпаздарын анықтау шарттары:

- Фотобайқауға ұсынылған материалдар Қазалы ауданы әкімдігінің фейсбуктегі ресми парақшасында жарияланады;

- Оқырмандар тарапынан лайк пен пікір санын көп жинаған фотоматериалдар арасынан жеңімпаздар анықталады.

- Байқау қорытындысы бойынша фотоальбом шығарылады.

- Байқау жеңімпаздары 4-маусым Рәміздер күніне арналған патриоттық іс-шарада марапатталады.

Байқаудың жүлде қоры:

1- орын: 100 000 теңге;

2- орын: 70 000 теңге;

3- орын: 50 000 теңге.

Байланыс:

Қазалы ауданы, Әйтеке би кенті, Жанқожа Нұрмұхаммедұлы көшесі №130. Қазалы ауданы әкімдігі

тел: 79-2-80 (ішкі 3219)