«Найзағай, бұршақ»: 27 тамызға арналған ауа райы болжамы
Синоптиктер Қазақстанда 27 тамызға арналған ауа райы болжамын ұсынды. Бұл туралы Orda.kz хабарлайды.– Қазақстан аумағының басым бөлігінде жауын-шашын болмайды, тек солтүстікте, солтүстік-батыста, оңтүстік-шығыс пен оңтүстіктің таулы аймақтарында атмосфералық фронтальды бөліктердің өтуімен жаңбыр жауып, найзағай ойнайды. Республика бойынша желдің күшеюі мүмкін, солтүстікте, оңтүстік-шығыстың таулы аймақтарында бұршақ жауады, – делінген хабарламада.
Түркістан, Жамбыл, Алматы таулы аудандарында, Батыс Қазақстанның оңтүстік-батысында, Қостанайдың солтүстігінде, Солтүстік Қазақстан облыстарының солтүстік-батысында, солтүстік-шығысында найзағай күтіледі.
Күндіз Алматы, Атырау, Ақтөбе облыстарының көп бөлігінде, Қостанайдың оңтүстігінде Батыс Қазақстан, Маңғыстау облыстарында қатты аптап ыстық сақталады.
