«Ақарық» каналының арнасы бетондалуда
Әйтеке би кентіндегі «Ақарық» каналының арнасын бетондау жұмыстары басталды.Құрылыс басында Мнажадин Өтеев басшылық жасайтын «Сыр маржаны» ЖШС-нің жұмысшылары қызу жұмыс жүргізуде. Бүгінгі таңда олар су өткізгіш құбырдың аузын бетондап, бетон плиталарды төсеп жатыр.
Айта кетейік, бұған дейін «Ақарық» каналының 3 шақырымын бетонмен қаптауға Қызылорда облысының табиғи ресурстар және табиғат пайдалануды реттеу басқармасы арқылы жоба-сметалық құжаттары әзірленіп, ұсынылған болатын. Қазіргі таңда 1,5 шақырым болатын ұзындықты бетонмен қаптауға облыстық бюджеттен қаржы бөлініп, тиісті жұмыстар атқарылуда.
Шарайна ШЕГЕНОВА
