Наурыз – аста-төк дастархан жайып ішіп-жеу, қуаныш тойы ғана емес қайырымдылық мерекесі де. Мерекелік бағдарламада «Мейірімді аналар» акциясы өткізілді. Аналар бастаған «Наурыз керуені» Қызылорданың басты көшелерімен жүріп өтті. Көп балалы отыз отбасыға азық-түлік таратылды. Ұлттық мейрам аясында аудан, қала тұрғындары да өз үлесін қосуға тырысты. Қазалы ауданының жастары бастамашы болып, вокзалға аялдаған пойыз жолаушыларының алдына ұлттық тамақ ұсынып, ән-жырдан шашу шашты. Басқа аудандарда да Наурыз мерекесін айшықтайтын шаралар ұйымдастырылды.