Қазалы ауданы жастарының рухани күш-жігерін арттыруға ықпал ете отырып, қоғамдағы орнын қалыптастыруға атсалысу мақсатында «Жастар Парла­менті» қайта құрылды.

Осы орайда өткен жұмада аудан әкімдігінде «Жастар Парламенті» депутаттығына үміткер кандидаттарды қабылдау отырысы болып өтті. Бұл кандидаттар қатарына білім беру орындары, денсаулық саласы­ мен ауылдық округтерде еңбек ететін мамандар, жас спортшылар және ерікті жастар өкілдері көптеп тартылды.

Құрамында Қазалы ауданы әкімінің орынбасары Әлімжан Жарылқағанов, аудандық ішкі саясат бөлімінің басшысы Ғани Темірбаев, «Нұр Отан» партиясы аудандық филиалының бірінші орынбасары Қасқырбек Мәмбетжан, аудан­дық мәслихат хатшысы Күнтілес Назымбеков, аудандық мәслихат депутаты Бауыржан Ізмағанбетов, ұйымдас­тыру және инспекторлық жұмыс бөлімі­­нің бас инспекторы Дәурен Тілеумбет­­ов бар сайлау комиссиясы алдында кан­дидаттар бағдарламаларын слайд түрінде қорғап шықты. Арнаулы комис­сия мүшелерінің шешіміне сәйкес жас­­тар парламентінің депутаттары болып 13 жас маман тағайындалды.