Қазақстандағы халық саны 18 миллионнан асты
Еліміздегі халық саны 18 миллионнан асты. Бұл туралы ұлттық экономика министрлігінің өкілдері хабарлады.18 миллионыншы тұрғын Алматы облысы Талдықорған қаласында мамыр айында дүниеге келген. Қыз баланың есімі Мүслима Саматқызы. Айта кетейік, тәуелсіздік жылдары ел халқының саны шамамен 10 пайызға артты. Қазір Қазақстанда 18 миллион 14 мың адам өмір сүріп жатыр.
Нұрболат Айдапкелов, ҚР ҰЭМ статистика комитетінің төрағасы:
- Мүслима отбасында 2-бала. Туған кезіндегі салмағы 3,3 келі. Бойы 51 см. Нәрестенің ата анасы Талдықорған қаласында тұрады. Анасы Омарханова Диана, мамандығы - дефектолог. Әкесі Бестібаев Самат. Мамандығы - мұғалім.
