Қазақстанда 26 қыркүйекте найзағайлы жаңбыр күтіледі
26 қыркүйекте елдің басым бөлігінде жаңбыр мен найзағай күтіліп, жел күшейеді.
Фото: pixabay26 қыркүйек, сенбі күні Қазақстанның басым бөлігінде найзағайлы жаңбыр жауады деп күтіледі. Жауын-шашын атмосфералық фронттардың өтуіне байланысты болжанып отыр, деп хабарлайды Sn.kz ақпарат порталы.
Синоптиктеінің мәліметінше, жауын-шашын елдің батысында ғана болмайды. Бұл өңірде ауа райына антициклонның жотасы әсер етеді.
Республика бойынша жел күшейеді. Күндіз оңтүстікте шаңды дауыл болуы мүмкін.
«Түнде және таңертең солтүстік-батыста, солтүстікте, шығыста және орталық өңірлерде тұман күтіледі», – деп хабарлады «Қазгидромет» РМК баспасөз қызметі.
Сонымен қатар бірқатар өңірде жоғары және төтенше өрт қаупі сақталады.
