Еліміздің солтүстік өңірлерінде бүгін жаңбыр мен найзағай күтіледі
Төтенше жағдайлар министрлігі дауылды ескерту жариялады.
Еліміздің солтүстік өңірлерінде жаңбыр мен найзағай күтіледі, кей жерлерде жауын-шашын қатты болады. Түнде және таңертең тұман түсуі ықтимал.
Ақмола, Солтүстік Қазақстан, Павлодар, Қарағанды, Ұлытау және Абай облыстарында, сондай-ақ бірқатар басқа өңірлерде желдің күшеюі болжанады. Желдің жылдамдығы 15-20 м/с және одан да жоғары болуы мүмкін.
Жетісу, Қызылорда, Түркістан, Қарағанды, Ұлытау, Шығыс Қазақстан және Абай облыстарында жоғары және төтенше өрт қаупі сақталады.
Түнде және таңертең Батыс Қазақстан, Атырау, Маңғыстау, Шығыс Қазақстан, Қостанай және басқа да облыстардың жекелеген аудандарында тұман күтіледі.
