Мектептер полицияның бақылауына алынды: 283 мың камера жұмыс істеп тұр
Фото: PexelsЖаңа оқу жылының басталуына орай Ішкі істер министрлігі мектептердегі балалардың қауіпсіздігін қамтамасыз ету шараларын күшейтті, деп хабарлайды Orda.kz.
Қазір Қазақстанда 283 мыңнан астам бейнебақылау камерасы орнатылған 7656 жалпы білім беретін мектепбар. Олардың 7 мыңнан астамы жедел басқару орталықтарына қосылған.
«Жүйе оқиғаларды тіркеп қана қоймай, туындауы мүмкін қауіптерге жедел әрекет етуге мүмкіндік береді», — деп мәлімдеді ІІМ.
Мектептердің жалпы санына шаққанда олардың 93,5%-ы полицияның тікелей бақылауында. Сонымен қатар білім беру ұйымдарының маңына 258 жаяу жүргіншілер өткелі, 1429 жылдамдықты төмендететін кедергі және 2 мыңға жуық көше шамы орнатылған.
