Қазалы ауданының Құрметті азаматы Әби Бибісара Құрылтай сайлауында дауыс берді

Қазалы ауданының құрметті азаматы, батыр ана, өңіріміздің дамуына үлес қосып жүрген іскер кәсіпкер — Әби Бибісара бүгінгі тарихи сәттен шет қалмай, №66 сайлау учаскесінде келіп өз таңдауын жасады.
Ұлт болашағы үшін маңызды саяси науқанға үлкен жауапкершілікпен қараған Бибісара анамыз бұл қадамды азаматтық парыз әрі елге деген жанашырлық деп біледі.
— Бұл — тек сайлау ғана емес, туған жеріміздің болашағына бейжай қарамайтын әрбір азаматтың белсенді ұстанымын білдіретін күн, — деді Бибісара анамыз.
Қоғамда өзінің өнегелі өмірімен, ана ретінде ұрпақ тәрбиесіндегі рөлімен және кәсіпкерлік саласындағы белсенділігімен кең танылған Бибісара Әби — елге үлгі, жастарға жол көрсеткен тұлға.