Жаңа рекордтар орнатылды: Қазақстандық спортшы Азия чемпионы атанды
Depositphotos.comҚазақстандық спортшылар халықаралық аренада кезекті рет биік белесті бағындырды. Ауыр атлетикадан Қазақстан құрамасының өкілі Бейбарыс Ерсеит Ташкентте өтіп жатқан жасөспірімдер арасындағы Азия чемпионатының жеңімпазы атанды, деп хабарлайды Аlmaty.tv.
Алпыс бес килограммға дейінгі салмақ дәрежесінде өнер көрсеткен отандық спортшы қарсыластарынан оқ бойы озық шықты. Қосไสыс қосындысы бойынша Бейбарыс Ерсеит 281 килограммды (жұлқа көтеруде 129 килограмм және серпе көтеруде 152 килограмм) бағындырып, құрлық біріншілігінің алтын медалін сенімді түрде жеңіп алды.
Айта кетерлігі, Ерсеит «жұлқа көтеру» жаттығуында да жеке өзі үздік шықты. Жұлқа көтерудегі нәтиже де, қосไสыс қосындысының көрсеткіші де U17 санатындағы Азияның жаңа рекорды ретінде тіркелді.
