Азия ойындары: Қазақстан 11-ші алтын медалден кейін рейтингте көтерілді
Фото: Ұлттық Олимпиадалық комитетБахрейнде жасөспірімдер арасындағы Азия ойындары өтіп жатыр. Қазақстан ұлттық құрамасының ауыр атлеті Әлихан Әскербай екі рет жеңіс тұғырына көтерілді, деп хабарлайды Azattyq Rýhy.
sportarena.kz сайтының мәліметінше ол 71 келі салмақ дәрежесінде жұлқа көтеруде де, серпе көтеруде де жеңімпаз болды.
Бұл Қазақстанды Азия жасөспірімдер ойындарының жалпы медальдар тізімінде төртінші орынға шығарды. Ұлттық құрама 11 алтын, 9 күміс және 20 қола медаль жеңіп алды.
«Қытай әзірге 42 алтын, 33 күміс және 14 қола медальмен көш бастап тұр. Өзбекстан екінші орында (14-5-11), ал Тайланд үшінші орынды (13-12-6) иеленді», - деп жазды портал.
Еске сала кетейік, 17 жастағы Әлихан Әскербай жасөспірімдер арасындағы Азия ойындарында екі рет әлем рекордын жаңартты. Ол жұлқа көтеруде 144 келі, ал серпе көтеруде 172 келіні еңсерді. Екі нәтиже де жасөспірімдер арасында әлем рекорды болып тіркелді.
