Азияда атой салды
Қуан, Қазалы! Индонезияның Джакарта қаласында өткен бокстан жастар мен жасөспірімдер арасындағы Азия чемпионатында жерлесіміз Зарина Толыбай атаой салып, чемпион атанды.U19 жас санатында +80 келі салмақ дәрежесінде сынға түскен қазалылық былғары қолғап шебері финалда Үндістан өкілі Пречи Токасты айқын басымдықпен жеңіп, құрлық біріншілігінің алтын медалін иеленді.
Зарина Толыбай – №18 Қазалы аудандық балалар-жасөспірімдер спорт мектебінің түлегі. Жас чемпионды дүбірлі додаға баптап қосқан жаттықтырушысы – Руслан Жолбарысов.
Азия алтынын еншілеген Заринаға бұдан да биік белестерді бағындырып, жеңісті жолы жалғасын тапсын демекпіз!
«ҚАЗАЛЫ» ақпарат
