Ескі үлгідегі 2000 теңгелік банкноталар айналымнан шықты
Ескі үлгідегі 2000 теңгелік банкноталарды айырбастауға әлі мүмкіндік бар, бірақ сауда орындары оларды қабылдамайды.
24 маусымнан бастап ескі үлгідегі 2000 теңгелік банкноталардың айналыс мерзімі аяқталды. Енді олармен дүкендерде және басқа да сауда орындарында төлем жасауға болмайды, деп хабарлайды Jambylinfo.kz
Ұлттық банк 2024 жылғы 25 желтоқсаннан бастап «Сақ стилі» сериясындағы жаңа 2000 теңгелік банкноталарды айналымға кезең-кезеңімен енгізіп келеді. Осыған байланысты ескі және жаңа банкноталар бүгінге дейін қатар қолданылды.
Қолында ескі банкнотасы қалған азаматтар оларды алдағы 3 жыл ішінде екінші деңгейлі банктер мен «Қазпошта» бөлімшелерінде жаңа үлгідегі ақшаға айырбастай алады.
