"Таза Қазақстан" акциясы аясында Қазалы мәдени-демалыс кешенінде тазалық жұмыстары жүргізілуде
Қазалы мәдени-демалыс кешені бүгінде аудан тұрғындары мен қонақтарының сүйікті демалыс орынына айналған. Заманауи талапқа сай жабдықталған кешенде күн сайын 3 мыңнан астам тұрғын мен қонақ тынығып, бос уақытын тиімді өткізеді. Сондықтан мұндағы тазалық пен тәртіпті сақтау – басты міндеттердің бірі.
Осыған орай, «Таза Қазақстан» акциясы аясында кешен аумағында ауқымды тазалық жұмыстары жүргізілуде. Қазіргі таңда аумақты абаттандыру және санитарлық тазалығын сақтау бағытындағы негізгі жұмыстар қарқынды атқарылып жатыр.
Атап айтқанда, кешен аумағындағы шөп шабу жұмыстары жүргізіліп, аяқ су арықтары тазартылуда. Сонымен қатар, жиналған қоқыстар шығарылып, аумақтың жалпы тазалығы ретке келтірілуде.
Тазалық шараларына «Жасыл ел» жастар жасағы да белсенді атсалысып, қоршаған ортаның таза әрі көрікті болуына өз үлестерін қосуда.
