Қазақстанда неке ең көп тіркелетін қала анықталды
Фото: freepik.comҚазақстанның қай қаласында неке ең көп тіркелетіні белгілі болды. Бұл туралы Stan.kz ақпарат агенттігі КТК арнасына сілтеме жасап хабарлайды.
Неке қию саны бойынша Алматы көш бастап тұр. 2026 жылдың басынан бері қалада 4 600 жаңа отбасы құрылған. Статистикаға сүйенсек, Алматыда күн сайын шамамен 70 жұп некеге тұрады. Орта есеппен әйелдер 29 жасында тұрмысқа шықса, ерлер 32 жасында үйленеді.
Биыл ең жасы үлкен күйеу жігіт – 92 жастағы зейнеткер. Ал ең жас жұп небәрі 16 жаста болған.
Алайда неке саны жоғары болғанымен, ажырасу көрсеткіші де аз емес. Жыл басынан бері қалада 934 жұптың некесі бұзылған. Орта есеппен ер адамдар 39 жасында, ал әйелдер 37 жасында ажырасуға шешім қабылдайды.
Айта кетейік, бұған дейін Қазақстанда заңсыз неке қиятын имамдарды 8 жылға дейін соттау ұсынылғаны туралы жазған едік.
