Елімізде бірінші тоқсанда 21 мыңнан астам жұп отау құрды
Фото: pexels.com
«Азаматтарға арналған үкімет» мемлекеттік корпорациясы жыл басынан бері елімізде қиылған неке санын жария етті, деп хабарлайды Elordainfo.kz ведомствоның баспасөз қызметіне сілтеме жасап.
Статистикалық деректерге сәйкес, биылғы жылдың бірінші тоқсанында елімізде 21 351 неке тіркелген. Үйлену тойларының саны бойынша Алматы, Астана, Түркістан облысы, Шымкент және Қарағанды облысы көш бастап тұр.
«Бұл көрсеткіштер уақыт пен түрлі әлеуметтік-экономикалық жағдайларға қарамастан, қазақстандықтардың махаббатқа сенуді жалғастырып жатқанын көрсетеді», делінеді хабарламада.
Еске салсақ, бүгін елімізде «Қозы Көрпеш – Баян сұлу» күні кеңінен аталып өтуде.
