Жаңбыр қарға ауысып, көктайғақ болады: Синоптиктер алдағы күндерге ауа райын болжады
Фото: Freepik.comҚазгидромет 14-16 сәуір үшін ауа райы болжамын жариялап, жаңбыр жауатынын мәлімдеді. Бұл туралы Stan.kz ақпарат агенттігі хабарлайды.
Алдағы күндері Қазақстанның басым бөлігінде бұлтты және жауын-шашынды ауа райы күтіледі. Солтүстік өңірлерде ауа температурасы нөлден төмендеп, жаңбыр қарға ауысып, көктайғақ болуы мүмкін.
Күшті жаңбыр, бұршақ және екпінді жел батыс өңірлерде, 16 сәуірде оңтүстікте, 15–16 сәуірде солтүстікте және орталықта күтіледі.
14 сәуірге қараған түні шығыста қатты жауын-шашын (жаңбыр, қар) болжанды. Қазақстан бойынша тұман түсіп, жел күшеймек.
Ауа температурасы төмендейді:
батыста түнде +2…+10°С, күндіз +10…+15°С;
солтүстікте түнде -2…-8°С, күндіз 0…+7°С;
оңтүстікте түнде +3…+13°С, күндіз +8…+18°С.
