Еліміздің бірқатар өңірінде жаңбыр мен найзағай күтіледі
Фото: pixabay.com«Қазгидромет» РМК баспасөз қызметі жексенбіге арналған ауа райы болжамын жариялады, деп хабарлайды Egemen.kz.
Синоптиктердің мәліметінше, еліміздің басым бөлігінде жаңбыр жауып, кей жерлерде найзағай ойнайды.
Қазақстан аумағы бойынша жел күшейеді. Түнгі және таңғы уақытта тұман түседі, ал күндіз кей өңірлерде бұршақ пен дауыл болуы мүмкін.
«Циклондар мен антициклондардың өтуіне байланысты ауа райы жағдайының нашарлауы күтіледі, оның ішінде жауын-шашын, желдің күшеюі және соған байланысты қауіпті құбылыстар байқалады», делінген хабарламада.
Елдің батысында ауа температурасы +15...+25 градустан +10...+20 градусқа дейін төмендейді. Солтүстікте +11...+20 градустан +15...+20 градусқа дейін көтеріледі.
Шығыста ауа температурасы +15...+23 градустан +20...+28 градусқа дейін ауытқиды. Қалған өңірлерде айтарлықтай өзгеріс күтілмейді.
Астанада ауыспалы бұлтты, кей уақытта жаңбыр жауып, күндіз найзағай болады. Солтүстік-батыстан соққан желдің жылдамдығы 9–14 м/с, кейде 15–20 м/с-қа дейін күшейеді. Ауа температурасы түнде +5...+7°С, күндіз +12...+14°С.
Алматыда ауыспалы бұлтты, жауын-шашынсыз. Батыстан соққан жел 3–8 м/с, күндіз екпіні 13 м/с-қа жетеді. Ауа температурасы түнде +13...+15°С, күндіз +23...+25°С.
Шымкентте ауыспалы бұлтты, кей уақытта жаңбыр жауып, найзағай болады. Оңтүстік-шығыстан соққан жел 8–13 м/с, екпіні 15–20 м/с-қа дейін жетеді. Ауа температурасы түнде +10...+12°С, күндіз +20...+22°С.
