Мереке күндері ел аумағында ауа райы қандай болады?
Республика бойынша тұман және көктайғақ болжануда.
Фото: PixabayҚазгидромет алдағы 21-23 наурызға арналған ауа райы болжамын жариялады. Алдағы мерекелік күндерде елдің кей аумақтарында жауын-шашын болжануда, деп хабарлайды Sn.kz ақпарат порталы
Синоптиктердің болжамынша, кейбір күндері елдің солтүстігінде және оңтүстік бөлігінде атмосфералық фронттардың өтуіне байланысты жауын-шашын (жаңбыр, қар), желдің күшеюі болжанған.
“Ал елдің оңтүстігінде күндізгі сағаттарда найзағай болады. Республика бойынша тұман және көктайғақ болжануда. Қалған аумақтарда жауын-шашынсыз ауа райы күтіледі”, – делінген хабарламада.
Күндізгі ауа температурасы:
- батыс өңірлерде +12 , +17°С дейін,
- Маңғыстау облысында +18, +23°С дейін,
- солтүстік және республиканың орталық бөлігінде +3, +8°С шамасында,
- Ұлытауда +15, +20°С дейін,
- шығыста +5,+15°С,
- оңтүстікте +20, +25°С,
- оңтүстік-шығыста +15, +23°С дейін көтеріледі.
